124 Се вътри, Стрибожи внуци, въютъ съ моря стрълами на храбрый плъкы Игоревы.
¹²⁵ Земля тутнетъ, ръкы мутно текуть,
¹²⁶ пороси поля прикрываютъ, стязи глаголютъ:
¹²⁷ └Половцы идуть"; отъ Дона, и отъ моря,
¹²⁸ и отъ всъхъ странъ рускыя плъкы оступиша.
¹²⁹ Дъти бъсови кликомъ поля прегородиша,
¹³⁰ а храбрии Русици преградиша чрълеными щиты.
¹³¹ Яръ Type Всеволодъ! Стоиши на борони,
¹³² прыщеши на вои стрелами,
¹³³ гремленш о шеломы мечи харалужными.
¹³⁴ Камо, Туръ, поскочяше, своимъ златымъ шеломомъ посвъчивая, -
¹³⁵ тамо лежать поганыя головы половецкыя,
¹³⁶ поскепаны саблями калеными шеломы оварскыя
¹³⁷ отъ тебе, Яръ Type Всеволоде!
¹³⁸ Кая рана дорога, братие, "
¹³⁹ забывъ чти и живота, и града Чрънигова отня злата стола,
¹⁴⁰ и своя милыя хоти, красныя Глъбовны, свычая и обычая!
¹⁶⁶ Съ зараниа до вечера,
¹⁶⁷ съ вечера до свъта
¹⁶⁸ летятъ стрълы каленыя,
¹⁶⁹ гримлютъ сабли о шеломы,
¹⁷⁰ трещать копиа харалужныя
¹⁷¹ въ полъ незнаемъ среди земли Половецкыи.
¹⁷² Чръна земля подъ копыты костьми была посъяна,
¹⁷³ а кровию польяна;
¹⁷⁴ тугою взыдоша по Руской земли!
¹⁷⁵ Что ми шумить, что ми звенить давечя,
¹⁷⁶ рано предъ зорями?
¹⁷⁷ Игорь плъкы заворочаетъ;
¹⁷⁸ жаль бо ему мила брата Всеволода.
¹⁷⁹ Бишася день, бишася другый,
¹⁸⁰ третьяго дни къ полуднию падоша стязи Игоревы.
¹⁸¹ Ту ся брата разлучиста на брезъ быстрой Каялы;
¹⁸² ту кроваваго вина не доста,
¹⁸³ ту пиръ докончаша храбрии русичи:
¹⁸⁴ сваты попоиша,
¹⁸⁵ а сами полегоша
¹⁸⁶ за землю Рускую.
¹⁸⁷ Ничить трава жалощами,
¹⁸⁸ а древо съ тугою къ земли преклонилось.
²⁵³ Темно бо бъ въ 3 день: два солнца помъркоста,
²⁵⁴ оба багряная стлъпа погасоста,
²⁵⁶ и въ моръ погрузиста,
²⁵⁵ и съ нима молодая месяца, Олегъ и Святъславъ, тъмою ся поволокоста.
²⁵⁸ На ръцъ на Каялъ тьма свътъ покрыла:
²⁵⁹ по Руской земли прострошася половци, аки пардуже гнъздо,
²⁵⁷ и великое буйство подасть Хинови.
²⁶⁰ Уже снесеся хула на хвалу;
²⁶¹ уже тресну нужда на волю,
²⁶² уже връжеса Дивь на землю.
²⁶³ Се бо готския красныя дъвы въспъша на брезъ синему морю,
²⁶⁴ звоня рускымъ златомъ,
²⁶⁵ поютъ время Бусово,
²⁶⁶ лелъютъ месть Шароканю.
²⁶⁷ А мы уже, дружина, жадни веселия.
¹⁸⁷ Уже бо, братие, невеселая година въстала,
¹⁹⁰ уже пустыни силу прикрыла,
¹⁹¹ Въстала Обида въ силахъ Дажь-Божа внука,
¹⁹² вступила дъвою на землю Трояню,
¹⁹³ въсплескала лебедиными крылы па синъмъ море у Дону,
¹⁹⁴ плещучи, упуди жирня времена.
²⁰⁰ О! далече заиде соколъ, птицъ бья, ≈ къ морю.
²⁰¹ А Игорева храбраго плъку не кръсити!
²⁰² За нимъ кликну Карна,
²⁰³ и Жля поскочи по Руской земли,
²⁰⁴ смагу людемъ мычючи въ пламянъ розъ.
²⁰⁵ Жены руския въсплакашась, аркучи:
²⁰⁶ ⌠Уже намъ своихъ милыхъ ладъ ни мыслию смыслити,
²⁰⁷ ни думою сдумати,
²⁰⁸ ни очима съглядати,
²⁰⁹ а злата и сребра ни мало того потрепати!■
²¹⁰ А въстона бо, братие, Киевъ тугою,
²¹¹ а Черниговъ напастьми.
²¹² Тоска разлияся по Руской земли,
²¹³ печаль жирна тече средь земли Рускыи.
²¹⁴ А князи сами на себе крамолу коваху,
²¹⁵ а погании сами, победами нарищуще па Рускую землю.
²¹⁶ емляху дань по бълъ отъ двора.
²¹⁷ Тии бо два храбрая Святъславлича,
²¹⁸ Игорь и Всеволодъ,
²¹⁹ уже лжу убудиста которою;
²²⁰ ту бяше успилъ отецъ ихъ Святъславь грозный великый Киевскый грозою,
²²¹ бяшеть притрепалъ своими сильными плъкы и харалужными мечи;
²²² наступи на землю Половецкую,
²²³ притопта хлъми и яругы,
²²⁴ взмути ръки и озеры,
²²⁵ иссуши потоки и болота,
²²⁶ а поганаго Кобяка изъ луку моря,
²²⁷ отъ желъзныхъ великихъ плъковъ половецкихъ яко вихръ, выторже.
²²⁸ И падеся Кобякъ въ градъ Киевъ,
²²⁹ въ гридницъ Святъславли.
²³⁰ Ту Нъмци и Венедици,
²³¹ ту Греци и Морава
²³² поютъ славу Святъславлю,
²³³ кають князя Игоря,
²³⁴ иже погрузи жиръ во днъ Каялы, ръкы половецкия,
²³⁵ рускаго злата насыпаша.
²³⁶ Ту Игорь князь высъдъ изъ съдла злата, а въ съдло, кощиево.
²³⁷ Уныша бо градомъ забралы, а веселие пониче.

[3. Святослав]

²³⁸ А Святъславь мутенъ сонъ видъ въ Киевъ на горахъ.
²³⁹ ⌠Синочи съ вечера одъвахуть мя, ≈ рече ≈ чръною паполомою на кровати тисовъ;
²⁴⁰ чръпахуть ми синее вино съ трудомь смъшено,
²⁴¹ сыпахуть ми тъщими тулы поганыхъ тльковинъ великый женчюгъ на лоно, и негуютъ мя.
²⁴² Уже дьскы безъ кнъса в моемъ теремъ златовръсъмъ.
²⁴³ Всю нощь съ вечера бусови врани възграяху у Плъсньска на болоньи,
²⁴⁴ бъша дебри Кисаню
²⁴⁵ и не сошлю къ синему морю■.
²⁴⁶ И ркоша бояре князю:
²⁴⁷ ⌠Уже, княже, туга умь полонила.
²⁴⁸ Се бо два сокола слътъста съ отня стола злата
²⁴⁹ поискати града Тьмутороканя,
²⁵⁰ а любо испити шеломомь Дону.
²⁵¹ Уже соколома крильца припъшали поганыхъ саблями,
²⁵² а самаю опуташа въ путины желъзны.
³³³ Нъ уже, княже, Игорю утръпъ солнцю свътъ,
³³⁴ а древо не бологомъ листвие срони:
³³⁵ по Роси и по Сули гради подълиша.
³³⁶ А Игорева храбраго плъку не кръсити!
³³⁷ Донъ ти, княже, кличетъ и зоветь князи на побъду.
³³⁸ Олговичи, храбрыи князи, доспъли на брань■.
²⁶⁸ Тогда великий Святъславъ изрони злато слово,
²⁶⁹ слезами смъшено, и рече:
²⁷⁰ ⌠О, моя сыновчя, Игорю и Всеволоде!
²⁷¹ Рано еста начала Половецкую землю мечи цвълити,
²⁷² а себъ славы искати.
²⁷³ Нъ нечестно одолъсте,
²⁷⁴ нечестно бо кровь поганую пролиясте.
²⁷⁵ Ваю храбрая сердца въ жестоцемъ харалузъ скована
²⁷⁶ а въ буести закалена.
²⁷⁷ Се ли створисте моей сребреней съдинъ!■
²⁸⁵ Нъ рекосте: └Мужаемъся сами:
²⁸⁶ преднюю славу сами похитимъ, а заднюю си сами подълимъ".
²⁸⁷ А чи диво ся, братие, стару помолодити?
²⁸⁸ Коли соколъ въ мытехъ бываетъ,
²⁸⁹ высоко птицъ възбиваетъ,
²⁹⁰ не дастъ гнъзда своего въ обиду.
²⁹¹ Нъ се зло ≈ княже ми непособие;
²⁹² наниче ся годины обратиша.
²⁹³ Се у Римъ кричать подъ саблями половецкыми,
²⁹⁴ а Володимиръ подъ ранами.
²⁹⁵ Туга и тоска сыну Глъбову!■
²⁷⁸ А уже не вижду власти сильнаго, и богатаго, и многовоя брата моего Ярослава,
²⁷⁹ съ черниговьскими былями,
²⁸⁰ съ могуты, и съ татраны, и съ шельбиры,
²⁸¹ и съ топчакы, и съ ревугы, и съ ольберы.
²⁸² Тии бо бес щитовь, съ засапожникы,
²⁸³ кликомъ плъкы побъждаютъ,
²⁸⁴ звонячи въ прадъднюю славу.

[4. Призыв к князьям]

²⁹⁶ Великый княже Всеволоде!
²⁹⁷ Не мыслию ти прелетъти издалеча, отня злата стола поблюсти?
²⁹⁸ Ты бо можеши Волгу веслы раскропити, а Донъ шеломы выльяти.
²⁹⁹ Аже бы ты былъ, то была бы чага по ногатъ, a кощей по резанъ
³⁰⁰ Ты бо можеши посуху живыми шереширы стръляти -
³⁰¹ удалыми сыны Глъбовы.
³⁰² Ты, буй Рюриче, и Давыде!
³⁰³ Не ваю ли вои злачеными шеломы по крови плаваша?
³⁰⁴ Не ваю ли храбрая дружина рыкаютъ, акы тури,
³⁰⁵ ранены саблями калеными, на полъ незнаемъ?
³⁰⁶ Вступита, господина, въ злата стремена за обиду сего времени,
³⁰⁷ за землю Русскую, за раны Игоревы,
³⁰⁸ буего Святславлича!
³⁰⁹ Галичкы Осмомыслъ Ярославе!
³¹⁰ Высоко съдиши на своемъ златокованнъмъ столъ,
³¹¹ подперъ горы Угорскыи своими желъзными плъки,
³¹² заступивъ королеви путь, затворивъ Дунаю ворота,
³¹³ меча бремены чрезъ облаки,
³¹⁴ суды рядя до Дуная.
³¹⁵ Грозы твоя по землямъ текутъ,
³¹⁶ отворяеши Киеву врата,
³¹⁷ стръляеши съ отня злата стола салтани за землями.
³¹⁸ Стръляй, господине, Кончака, поганого кощея,
³¹⁹ за землю Рускую, за раны Игоревы,
³²⁰ буего Святславлича!
³²¹ А ты, буй Романе, и Мстиславе!
³²² Храбрая мысль носитъ ваю умъ на дъло.
³²³ Высоко плаваеши на дъло въ буести,
³²⁴ яко соколъ на вътрехъ ширяяся,
³²⁵ хотя птицю въ буйствъ одолтъти.
³²⁶ Суть бо у ваю желъзный паворзи
³²⁷ подъ шеломы латинскими.
³²⁸ Тъм тресну земля, и многи страны ≈
³²⁹ Хинова,- Литва, Ятвязи, Деремела и Половци ≈
³³⁰ сулици своя повръгоша,
³³¹ а главы своя подклониша
³³² подъ тыи мечи харалужныи.
³³⁹ Инъгварь и Всеволодъ и вси три Мстиславичи,
³⁴⁰ не худа гнъзда шестокрилци!
³⁴¹ Не победными жребии собъ власти расхытисте!
³⁴² Кое ваши златыи шеломы и сулицы ляцкии и щиты?
³⁴³ Загородите полю ворота своими острыми стрълами,
³⁴⁴ за землю Русскую, за раны Игоревы,
³⁴⁵ буего Святъславлича!
³⁴⁶ Уже бо Сула не течетъ сребреными струями къ граду Переяславлю,
³⁴⁷ и Двина болотомъ течетъ онымъ грознымъ полочаномъ подъ кликомъ поганыхъ.
³⁴⁸ Единъ же Изяславъ, сынъ Васильковъ,
³⁴⁹ позвони своими острыми мечи о шеломы литовския,
³⁵⁰ притрепа славу дъду своему Всеславу,
³⁵¹ а самъ подъ чрълеными щиты на кровавъ травъ
³⁵² притрепанъ литовскыми мечи.
³⁵³ Исхыти юна кров, а тьи рекъ:
³⁵⁴ ⌠Дружину твою, княже, птиць крилы приодъ. а звъри кровь полизаша■,
³⁵⁵ Не бысть ту брата Брячяслава, ни другаго ≈ Всеволода,
³⁵⁶ едииъ же изрони жемчюжну душу изъ храбра тъла чресъ злато ожерелие.
³⁵⁷ Уныли голоси, пониче веселие,
³⁵⁸ трубы трубятъ городеньскии.

[5. Первые усобицы]

³⁵⁹ Ярославли и вси внуци Всеславли!
³⁶⁰ Уже понизите стязи свои,
³⁶¹> вонзите свои мечи вережени,
³⁶² уже бо выскочисте изъ дъдней славъ.
³⁶³ Вы бо своими крамолами начясте наводити поганыя
³⁶⁴> на землю Русскую,
³⁶⁵ на жизнь Всеславлю:
³⁶⁶ которою бо бъше насилие
³⁶⁷ отъ земли Половецкыи!
¹⁹⁵ Усобица княземъ на поганыя погыбе,
¹⁹⁶ рекоста бо брать брату: ⌠Се мое, а то мое же■.
¹⁹⁷ И начяша князи про малое ⌠се великое■ млъвити,
¹⁹⁸ а сами на себъ крамолу ковати,
¹⁹⁹ а погании съ всъхъ странъ прихождаху съ побъдами на землю Pyскую.
³⁶⁸ На седьмомъ въцъ Трояни връже Всеславъ жребий о дъвицю себъ любу.
³⁶⁹ Тъй клюками подпръся о кони, и скочи къ граду Кыеву,
³⁷⁰ и дотчеся стружиемъ злата стола Киевскаго.
³⁷¹ Скочи отъ нихъ лютымъ звъремъ въ плъночи изъ Бъла-града,
³⁷² объсися синъ мьглъ;
³⁷³ утрьже вазни с три кусы: отвори врата Нову-граду.
³⁷⁴ разшибе славу Ярославу.
³⁷⁵ Скочи влъкомъ до Немиги съ Дудутокъ.
³⁷⁶ На Немизъ снопы стелютъ головами, молотятъ чепи харалужными,
³⁷⁷ на тоцъ животъ кладутъ, въютъ душу отъ тъла.
³⁷⁸ Немизъ кровави брезъ не бологомъ бяхуть посъяни,
³⁷⁹ посъяни костьми рускихъ сыновъ.
³⁸⁰ Всеславъ князь людемъ судяше,
³⁸¹ княземъ грады рядяше,
³⁸² а самъ въ ночь влъкомъ рыскаше:
³⁸³ изъ Кыева дорискаше до куръ Тмутороканя,
³⁸⁴ великому Хръсови влъкомъ путь прерыскаше.
³⁸⁵ Тому въ Полотскъ позвониша заутренюю рано у святыя Софеи въ колоколы
³⁸⁶ а онъ въ Кыевъ звонъ слыша.
³⁸⁷ Аще и въща душа въ дръзъ тълъ,
³⁸⁸ нъ часто бъды страдаше.
³⁸⁹ Тому въщей Боянъ и пръвое припъвку, смысленый рече:
³⁹⁰ ⌠Ни хытру, ни горазду,
³⁹¹ ни птицю горазду
³⁹² суда божиа не минути!■
¹⁴¹ Были въчи Трояни,
¹⁴² минула лъта Ярославля,
¹⁴³ были плъци Олговы, Ольга Святьславличя.
¹⁴⁴ Тъй бо Олегъ мечемъ крамолу коваше
¹⁴⁵ и стрелы по земли съяше.
¹⁴⁶ Ступаетъ въ злать стремень въ градъ Тьмутороканъ,
¹⁴⁷ той же звонъ слыша давный великый Ярославь сынъ Всеволодъ,
¹⁴⁸ а Владимиръ по вся утра уши закладаше въ Черниговъ.
¹⁴⁹ Бориса же Вячеславлича
¹⁵⁰ слава на судъ приведе,
¹⁵¹ и на Канину зелену паполому постла за обиду Олгову.
¹⁵² храбра и млада князя.
¹⁵³ Съ тоя же Каялы Святоплъкъ полелъя отца своего
¹⁵⁴ междю угорьскими иноходьцы ко святой Софии къ Киеву.
¹⁵⁵ Тогда при Олзъ Гориславличи
¹⁵⁶ съяшется и растяшеть усобицами.
¹⁵⁷ погибашеть жизнь Даждь-Божа внука,
¹⁵⁸ въ княжихъ крамолахъ въци человъкомь скратишась,
¹⁵⁹ Тогда по Руской земли рътко ратаевъ кикахуть,
¹⁶⁰ нъ часто врани граяхуть,
¹⁶¹ трупиа себъ дъляче,
¹⁶² а галици свою ръчь говоряхуть,
¹⁶³ хотять полетъти на уедие.
¹⁶⁴ То было въ ты рати и въ ты плъкы,
¹⁶⁵ а сицей рати не слышано!